Исланд 2:1 Австри

Өнгөрсөн шөнө F хэсгийн хоёр тоглолт болж, хасагдах шатанд шалгарах гурван багийн нэр тодорсон. Энэ хэсгийн тоглолтод Исланд гайхамшиг бүтээлээ. Австрийн багийг 2:1 хожиж 5 оноотойгоор хэсгээс хоёроор гарлаа. Тоглолтын 18 дахь минутад Бодварссон гоолын салхийг хагалж, исландчууд тэргүүлж эхлэсэн ч хоёрдугаар хагасын 60 дахь минутад Австрийн Шёпр тоог тэнцүүлсэн. Үндсэн 90 минут өндөрлөж, шүүгчийн мэдлийн нэмэлт дөрөв дэх минутад Траустасон гоол оруулж, Исландын шигшээ баг тивийн тэмцээний анхны ялалтаа байгуулав.