Ерөнхий сайд Ч.Сайханбилэг Төрийн ордонд цаг үеийн асуудлаар мэдээлэл хийж байна. Тэрбээр мэдээллийнхээ эхэнд "Би өнөөдөр сайн мэдээ дуулгана. Сүүлийн үед дандаа сайн мэдээ дуулгаж байгаа. Хоёр эмнэлгийн ажил эхлээд байна. Хоёр том цахилгаан станцын хөрөнгө оруулалтын гэрээ зурлаа.
Монголчууд зарим мэдээллийг сонгуультай холбож сааруулаад байгаа учраас мэдээлэл хийж байгаа юм. Өнөөдөр би Монгол Оросны хамтарсан Эрдэнэт үйлдвэрийг 100 хувь Монгол Улсын мэдэлд шилжиж байгааг мэдээлэх гэсэн юм" хэмээлээ. Ингэснээр Эрдэнэт үйлдвэрийн бүх дагасан нийгмийн барилга байгууламж Монгол улсад ирэх аж. Зургадугаар сарын 30-наас эхлэн хоёр тал байр сууриа илэрхийлэн мэдэгдэл гаргах юм байна. Монгол Улсын компани өөрийн 49 хувийг зарах бол зөвхөн Монгол Улсын Засгийн газарт зарах аж.
Үе үеийн Засгийн газрын хүсч тэмүүлж, Монголчуудын мөрөөдөж байсан асуудал биелэлээ олж байна. Бидний хувьд улс төржих сэдэв, улс орны эрх ашгийг нэн тэргүүнд тавих асуудал байх ёстой гэдгийг улс төрийн нам, хэсэг бүлэг хүмүүс мэдэж байх ёстой гэдгийг Засгийн газрын тэргүүн онцоллоо.
Н.Энх