Өчигдөр Улаанбаатар хотын Замын цагдаагийн газрын ЖШУХ дээр нийт 242 дуудлага мэдээ мэдээлэл хүлээн авснаас зам тээврийн ослын 190 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 8 бүртгэгдэж 10 хүн хүнд хөнгөн гэмтжээ. Ослын тухайд
1. Сонгинохайрхан дүүргийн нутаг Баянхошууны зам, Хилчин хотхоны 12 дугаар байрны зүүн замд T.Prius маркийн автомашины жолооч Т нь байрныхаа гадаа тоглож байсан 6 настай Д, 3 настай Э нарын 2 хүүхдийг мөргөж гэмтээсэн.
2. Баянзүрхийн товчооны зүүн замд T.Lucida маркийн автомашины жолооч Б нь согтуурсан үедээ тээврийн хэрэгсэл жолоодон үхэр туугаад явж байсан явган зорчигч М-г мөргөж гэмтээгээд, үхэр дайрсан.
3. Дорноговь аймгийн Замын-Үүд сумын 3-р багт засмал зам дээр Hyundai Sonata-6 маркийн автомашины жолооч Б нь ачааны Hongyan маркийн автомашинтай мөргөлдөж жолооч Б, Э нарын 2 хүн нас барсан байна.
Уншиж байна |