СЕХ-ны дарга Д.Содномцэрэн сонгуульд сонгогчийн олонхийн санал авсан 76 нэр дэвшигчидэд УИХ-ын гишүүний түр үнэмлэх гардууллаа.
УИХ-ын гишүүн түр үнэмлэхээ гардсан нэр дэвшигчдийн сэтгэгдлийг сонссон юм.
Нэр дэвшигч Д.Сарангэрэл:
-Хан-Уул дүүргийн 57 дугаар тойргийн сонгогчдодоо талархаж байгаагаа илэрхийлье. Надад итгэл үзүүлсэн Хан-Уулчууддаа баярлалаа. Би та нарынхаа итгэлийг зүтгэлээр хариулах болно. Сонгуульд ажилласан штабынхандаа, хамт олон, найз нөхөд, надад тусалсан бүх хүмүүст маш их баярлалаа.
Нэр дэвшигч А.Сүхбат:
-Төв аймгийн 29 дүгээр тойргийнхоо ард иргэдэд баярласнаа илэрхийлье. Та бүхнийхээ итгэл сэтгэлийг ажил болгоно гэж амлаж байна. Хийх ажил олон байна. Эдийн засгийн хямрал, их өрийн асуудал гээд цаг наргүй ажиллаж байж амжилтад хүрнэ гэж бодож байна.
Нэр дэвшигч Б.Наранхүү:
-Дундговьчууддаа баярлалаа. Та бүхнийхээ итгэлийг дааж ажиллана.
- Энэ удаагийн парламентад эгч дүү хоёр сонгогдон орж ирж байна. Сэтгэгдэл ямар байна вэ?
-Их сонин тохиол болж байна. Эгчдээ амжилт хүсье.
Н.Энх