АНУ-д зика вирусын халдвартай гурван хүүхэд мэндэлсэн талаар тус улсын Эрүүл мэндийн яамнаас мэдээллээ.
Эдгээр хүүхдүүдийн тархи жижигхэн, сэтгэцийн өвчтэй болохыг тогтоосон хэмээн “www.dailymail.co.uk” уламжлав.
Халдвартай хүүхэд төрүүлсэн хоёр эх АНУ-ын иргэн бол нэг нь гадаадын иргэн байжээ. Тэд зикагийн халдвар бүртгэгдсэн бүс нутгуудад зорчоод ирсэн байна.
АНУ-ын Эрүүл мэндийн яам “Халдвартай хүүхэд төрүүлсэн гадаад иргэн бол Колумб улсын иргэн. Тэрбээр өнгөрсөн сарын 23-ны өдөр АНУ-д ирсэн. Түүний биеийн байдал хүнд байсан учир тусгаарлан эмчилгээ хийж байсан” гэж хэлжээ.
Ийнхүү АНУ-д зикагийн халдвартай найман хүүхэд төрлөө. Халдвар авсан иргэдийн тоо эрчимтэй нэмэгдэж буй учир тус улсын эрх баригчид зикагийн халдвар бүртгэгдээд буй орнуудад зорчихыг хатуу хориглосон байна.
Б.Дэлгэрцэцэг
Уншиж байна |