Туркийн Истанбул хотын Ататурк олон улсын нисэх буудалд өнгөрөгч долоо хоногт террористууд халдлага үйлдсэн билээ. Халдлагын улмаас 42 хүн амиа алдаж, 200 гаруй хүн гэмтжээ. Эмнэлэгт хүргэгдээд буй иргэдийн 41-ийнх нь биеийн байдал хүнд байгааг албаныхан уламжилсан билээ.

Эрх баригчид уг халдлагыг Иракийн хэт даврагч “Халифын вант улс” бүлэглэл болон Курдын ажилчны намын дэмжигчид захиалсан хэмээн таамаглаж байсан юм.

Тэгвэл Истанбулын халдлагыг хэт даврагчид захиалсан болохоо мэдэгдсэн талаар “CNN” агентлаг мэдээллээ. Хэт даврагчид өөрсдийн англи хэл дээр эрхэлсэн гаргадаг “Далиф” сэтгүүлээрээ дамжуулан Бид Истанбулын халдлагыг захиалсан” гэж бичжээ.

Тус бүлэглэлийн гурван дайчин нисэх буудалд нэвтэрсэнийхээ дараа “АК 47” буугаар гал нээж, дараа нь өөрсдийгөө егүүтгэсэн юм.

Б.Дэлгэрцэцэг