НИТХ-ын анхдугаар хуралдаан өнөөдөр 11.00 цагт товлогдоод байсан ч хойшиллоо. Нийслэлийн Засаг дарга бөгөөд Улаанбаатар хотын захирагчид нэрийг нь дэвшүүлээд буй Су.Батболдын УИХ-ын гишүүний бүрэн эрхийн хугацаа дуусаагүй учраас хуралдааныг хойшлуулжээ.
Шинэ парламентын анхны хуралдааныг маргааш 11.00 цагт хуралдуулахаар Ерөнхийлөгч зарлиг гаргасан. Уг хуралдаанаар шинэ гишүүд тангараг өргөснөөр өмнөх парламентын гишүүдийн бүрэн эрхийн хугацаа дуусах юм. Ингэж бүрэн эрхийн хугацаа нь дуусгавар болсноор Су.Батболд хотын захирагч болох боломжтой.
МАН-аас УИХ-ын гишүүн Су.Батболд, нийслэлийн МАН-ын дарга Ц.Сандуй нарыг хотын даргад нэр дэвшүүлээд байгаа юм. НИТХ-ын анхдугаар хуралдаан маргааш хуралдаж, Су.Батболд, Ц.Сандуй нарын хэн нь хотын дарга болохыг шийднэ.
Мөн НИТХ-ын дарга болоод Тэргүүлэгчдийг сонгоно.
В.Бат
Уншиж байна |