Иракийн хэт даврагч “Халифын вант улс” бүлэглэл Малайзад халдлага үйлдсэн хэмээн Куала Лампур хотын Цагдаагийн дарга Халид Абу Бакар хэвлэлийнхэнд мэдэгдлээ. Куала Лампур хотноо өнгөрсөн сарын 28-ны өдөр дэлбэрэлт болж, найман хүн гэмтсэн билээ.
Францад үргэлжилж буй “Евро 2016” хөлбөмбөгийн тэмцээнийг шууд дамжуулан үзүүлж байсан Мовида гэх шөнийн клубт гэнэт дэлбэрэлт болсон юм. Цагдаагийнхан уг хэргийн шалгасны эцэст дэлбэрэлтийн ард тус бүлэглэл байгааг тогтоожээ. Тус бүлэглэлд элссэн Мухаммед Ванни Мухаммед Жеди гэгч Куала Лампур хотноо халдлага үйлдэхийг туслахууддаа тушаасан гэнэ.
Цагдаагийнхан уг хэрэгтэй холбогдуулан 20, 22 настай хоёр залууг баривчилж, мэдүүлэг авч эхэлжээ. Баригдсан залуус өмнө нь гэмт хэрэгт холбогдож байсан гэнэ. Тэднийг хэт даврагчидтай холбоотой эсэхийг тогтоохоор ажиллаж буй бөгөөд залуусын нийгмийн сүлжээг шалгахад сэжигтэй хэд хэдэн и-мэйл олдсон гэнэ.
Б.Дэлгэрцэцэг
Уншиж байна |