НИТХ-ын долоо дахь удаагийн анхдугаар хуралдаан боллоо. Тус хуралдаанаар нийслэлийн удирдлагуудыг сонгов. Нийслэлийн Засаг дарга бөгөөд Улаанбаатар хотын захирагчаар УИХ-ын гишүүн асан Су.Батболд томилогдов. Тэрбээр НИТХ-ын төлөөлөгчдийн 100 хувийн саналаар томилогдож, Улаанбаатар хотыг удирдахаар болов.
Су.Батболд: Дэлгэр зуны энэ сайхан өдрийн мэндийг нийслэлчүүддээ хүргэе. Миний нэрийг дэвшүүлж, Нийслэлийн Засаг дарга бөгөөд Улаанбаатар хотын захирагчаар томилсонд явдалд талархал илэрхийлье. Улс орны эдийн засаг, санхүү хүнд байгаа энэ үед нийслэл хэмээн их айлын ачааг үүрэн хүндхэн үүрэг ногдож байна. Өнөөдөр бүрэн эрхээ хэрэгжүүлж байгаа та нөхөд болон миний бие хамтран нийслэлийнхээ иргэдийн хүлээлгэсэн энэ их итгэлийг хичээл зүтгэл, иргэдийнхээ амьдралыг тэтгэсэн их бүтээн байгуулалт, үйл ажиллагаагаар хариулж чадна гэдэгт би итгэлтэй байна" хэмээв.
В.Бат
Уншиж байна |