Хойд Солонгосын удирдагч Ким Чен Уныг АНУ-ын иргэдийн эрх, эрх чөлөөг зөрчиж байна хэмээн НҮБ-аас мэдээллээ. НҮБ, “Хойд Солонгост ял эдэлж буй АНУ-ын иргэдийн ихэнх нь хилс хэргээр ял сонссон. Хэрвээ тэднийг нэн даруй суллахгүй бол дахин хориг тавих болно” гэж мэдэгдсэн талаар “www.dailymail.co.uk” мэдээллээ.
АНУ-ын Хүний эрхийн байгууллага “Тухайн улс иргэдийнх нь эрх чөлөөг боомилсон тохиолдолд Ким Чен Ун өөрийн биеэр хариуцлага хүлээх болно” гэсэн байна.
Хойд Солонгосын нөлөө бүхий 10 эрхэм АНУ-ын хар дансанд багтжээ. Хар дансанд багтсан эрхмүүдийн гадаад дахь дансыг царцаасан талаар албаны хүн мэдээллээ. Одоогоор уг асуудлаар АНУ-ын Засгийн газар мэдээлэл хийгээгүй байна. АНУ-ын 10 гаруй иргэн Пхеньянд ял эдэлж байгаа гэнэ. Тэдний ихэнх нь тагнуул хийсэн эсвэл ухуулга хийж, иргэдийн бодол санааг өөрчилсөн хэмээн буруутгагджээ.
Б.Дэлгэрцэцэг
Уншиж байна |