Улаанбаатар
Онцгой байдлын алба өндөржүүлсэн бэлэн байдалд шилжинэ
2016-7-7

 

Их Монгол Улс байгуулагдсаны 810 жилийн ой, Ардын хувьсгалын 95 жилийн ой, Үндэсний их баяр наадмыг тэмдэглэн өнгөрүүлэхтэй холбогдуулан Онцгой байдлын ерөнхий газрын даргын тушаалаар Онцгой байдлын асуудал эрхэлсэн байгууллагын нийт бие бүрэлдэхүүн 2016 оны 07 дугаар сарын 09-ний өдрийн 09:00 цагаас 07 дугаар сарын 18-ны өдрийн 09:00 цаг хүртэлх хугацаанд албаны өндөржүүлсэн бэлэн байдлын зэрэгт шилжин ажиллана.

 

Тиймээс албаны өндөржүүлсэн бэлэн  байдлын зэрэгт шилжүүлэхтэй холбогдуулан бие бүрэлдэхүүний ажлын хариуцлага, сахилга батыг чанд сахин, бэлэн байдлаа хангаж ажиллахыг төв, орон нутгийн анги, байгууллагын дарга, захирагч нарт үүрэг болгов.

 

Мөн Онцгой байдлын ерөнхий газар, төв, орон нутгийн Онцгой байдлын газар, анги, байгууллагын үйл ажиллагаанд холбогдох хууль тогтоомжийн дагуу хяналт тавьж, удирдлагаар ханган ажиллаж, болзошгүй аюулт үзэгдэл, техникийн холбогдолтой ослын үед хойшлуулшгүй арга хэмжээг хэрэгжүүлж ажиллахыг Гамшгийн шуурхай удирдлагын газрын дарга, онцгой байдлын хурандаа Б.Ууганбаяр, Гал түймэртэй тэмцэх газрын дарга, онцгой байдлын хурандаа С.3алуухүүд тус тус үүрэг болголоо.

Shuud.mn
Сонин хачин
зочин:
Тэглээ гээд нэмэр байна уу.Сэлэнгэд эх ,хүү хоёр уруудаад хөвөөд явсан гээд байхад урсгал сөрж гүйлдээд байсан аврагчид байдаг.Одоо ч аягүй болл ажлаа хийцгээж л байгаа байх.Дарга нь гээд нэг яравгар дебиль 18 цагаас хойш утсаар ярьж болохгүй гэж тушаасан байсан.Тэр нохойн гөлгийг хариуцлага алдсан гэж ажлаас халсан гэсэн мэдэгдэл ОБЕГ-с хийгээгүйг бодоход одоо ч ажлаа хийгээд төсвийн цалин идээд сууж байгаа гэдэгт итгэлтэй байна. Ийм онц байдлаар яадаг байна.
2016-07-07