Сирийн Пальмира хотын дээгүүр нислэг үйлдэж явсан ОХУ-ын “МИ-25” нисдэг тэргийг Иракийн хэт даврагч “Халифын вант улс” бүлэглэл буудаж, сөнөөсөн талаар “TASS” агентлаг мэдээллээ.
Уг үйл явдлын улмаас ОХУ-ын хоёр цэрэг амиа алдсан гэнэ. Сирийн Засгийн газрын хүсэлтийн дагуу ОХУ, Пальмира хотноо хяналтаа өгөхийг санаархаж буй хэт даврагчдад цохилт өгч байсан юм. “МИ-25” хэт даврагчдын байршилд агаараас цохилт өгөөд бааз руугаа буцах үедээ дайралтад өртжээ.
“ОХУ-ын Ерөнхийлөгч В.Путин үүргээ гүйцэтгэх үедээ амиа алдсан нисгэгчдэд төрийн одон медалийг нөхөн олгохоор шийдвэрлэсэн” талаар Кремлийн ордноос мэдээллээ. Сирийн Ерөнхийлөгч Башар аль Ассадын хүсэлтийн дагуу ОХУ өнгөрсөн оны есдүгээр сарын 30-наас эхлэн тус улсад цэргийн ажиллагаа явуулах болсон юм. Энэ хугацаанд ОХУ-ын 12 цэрэг үүргээ гүйцэтгэж яваад амиа алджээ.
Б.Дэлгэрцэцэг
Уншиж байна |