Үндэсний их баяр наадам үргэлжилж байна. Баяр наадмын зүлэг ногоон дэвжээг чимэгч нь яах аргагүй бөхчүүд. Олон тэгш ой давхацсан өнөө жил 1024 хүчтэн наадмын ногоон дэвжээнээ дэвж буй.
Нэгэнт цагт энэхүү дэвжээнээ ид бяраа гайхуулж явсан эрхмүүд өдгөө төр түшилцэж буй. Тэднээс УИХ-ын гишүүн дархан аварга Б.Бат-Эрдэнэ, А.Сүхбат нар бөхчүүдийн хамт Төрийн есөн хөлт цагаан туганд хүндэтгэл үзүүлэв.
Монгол наадмын дэвжээнээ ид бярыг гайхуулж байсан Б.Бат-Эрдэнэ хоёр парламент дамжин суусан туршлагатай улстөрч болсон. Харин А.Сүхбат Төв аймгийн сонгогчдын итгэлээр төрийн түшээ болж, анхны наадамдаа хүндэт зочдын нэг болон Төв цэнгэлдэхийн гол асарт заларч буй нь энэ.
В.Бат
Уншиж байна |