БНСУ-ын Ерөнхийлөгч Пак Гын Хэ-ийн манай улсад хийж буй албан ёсны айлчлал үргэлжилж байна. Тэрбээр өчигдөр Ерөнхийлөгч Ц.Элбэгдоржтой албан ёсны хэлэлцээ хийж, хоёр улсын хооронд байгуулсан баримт бичигт гарын үсэг зурах ёслолд оролцсон.

Харин өнөөдөр Монгол, Солонгосын аж ахуйн нэгжүүдийн Бизнес форумд оролцоно.  Тус арга хэмжээнд БНСУ-ын 187 бизнес эрхлэгчид болон мэргэжлийн холбоодын төлөөлөл, Монголын талаас 300 орчим бизнес эрхлэгчид оролцож буй юм.

Мөн УИХ-ын дарга М.Энхболд, Ерөнхий сайд Ж.Эрдэнэбат нар БНСУ-ын Ерөнхийлөгч Пак Гын Хэ-д бараалхана.

Ингэснээр түүний айлчлал өндөрлөж, 13.30 цагт нутаг буцна.

В.Бат