Улаанбаатар
ГХ-ны сайдаар Ц.Мөнх-Оргилыг томиллоо
2016-7-23

Гэрэл зургийг MPA.mnУИХ-ын чуулганы нэгдсэн хуралдаанаар Гадаадын харилцааны сайдаар Ц.Мөнх-Оргилыг томилох асуудлыг хэлэлцэв.  Ц.Мөнх-Оргилыг сайдаар томилоход дэмжиж байгаагаа гишүүд илэрхийлж, санал хэлж байлаа. Мэргэжлийн дипломатч, улстөрч, туршлагатай энэ эрхмийг Гадаад харилцааны сайдад томилох нь зөв гэж гишүүд хэлж байв.  УИХ-ын гишүүн Д.Тэрбишдагва:

 

-Гадаад харилцааг эдийн засагжуулахад ямар алхам хийх вэ. Хоёр хөршийн бодлого дээр онцгойлон анхаармаар байна.  Төвийг сахих бодлого дээр ямар байр суурь баримталж байна вэ?

 

УИХ-ын гишүүн Ц.Мөнх-Оргил:

 

-Гадаад харилцааг эдийн засагжуулаарай гэсэн таны захиа даалгаврыг хүлээж авч байна. Энэ нь гадаад харилцаанд ажиллаж байгаа хүмүүсийн ажлын үр дүн болно. Наад зах нь бусад улс орнуудтай байгуулсан хамтран ажиллах гэрээг эргэж харна. Далайд гарцгүй орны хувьд байгуулсан гэрээгээ дахин харна. Зүүн хойд Азийн интегарицчлалд анхаарна. ШХАБ-д элсэх урилга хүсэлтийг удаа дараа манай улсад ирүүлсэн. Асуудлыг эргэж танилцуулах болно. Төвийг сахих статусын асуудалд эрдэмтэд мэргэжилтнүүдийн дунд маргаан дагуулсан асуудал байгаа. Үүнд онол ярихаас илүүтэй маш олон хүрээг хамарна. ҮАБЗ, УИХ-аар хэлэлцүүлж шийдвэрлүүлэх асуудал.

 

УИХ-ын гишүүн Т.Аюурсайхан:

 

-Монгол Улсын нэгдэн орсон конвенцийг Монгол хэл дээрээ хэвлэж орчуулаарай гэж иргэдээс ирсэн саналыг дамжуулъя. Байнгын төвийг сахих бодлого нь мэргэжлийн дипломатчдын олон жилийн туршид бусад улс орон, олон улсын  байгууллага, бүс нутгуудтай хийсэн хамтран ажиллах  харилцаанд сөрөг нөлөө үзүүлэх магадлалтай.

 

Гишүүд асуулт тавьж, үг хэлсний дараагаар санал хураалт явуулав. Гишүүдийн 93.7 хувийн саналаар Ц.Мөнх-Оргилийг Гадаад харилцааны сайдаар томиллоо.

 

Чуулганы хуралдаан үргэлжилж байна.

 

Н.Энх

Shuud.mn
Сонин хачин