БНХАУ-ын нийслэл Бээжин хотноо байрлах “Бадалинг” амьтны хүрээлэнгийн бар хүний аминд хүрсэн хэрэг гарсан талаар “Синьхуа” агентлаг мэдээллээ. Нэг эмэгтэй амьтны хүрээлэнгийн ойролцоо байршуулсан машиндаа суух гэтэл бар дайрч, хүзүүнээс нь хазсан байна. Эмэгтэйд туслахыг оролдсон өөр нэг эмэгтэй мөн амиа алджээ. Халдлагад өртсөн эхний эмэгтэй эмнэлгийн тусламж авч чадалгүй амиа алдсан бол хоёр дахь эмэгтэй эмнэлэгт хүргэгдсэн хойноо амиа алдсан гэнэ. Бар 20 орчим насны эрэгтэй, эмэгтэй хоёр руу дайрч хүндээр гэмтээсэн байна.
Амьтны хүрээлэнгийн ойролцоо байршуулсан хяналтын камерт тус хүрээлэнгийн хамгаалагчид бар иргэд рүү дайрч байхад юу ч хийлгүй зогсч байгаа нь бичигдсэн нь олон нийтийн дургүйцлийг хүргэсэн байна. Хүрээлэнгийн удирдлагууд ажлын хариуцлага алдсан ажилчдаа шийтгэхээ мэдэгдэж, паркаар үйлчлүүлж буй иргэд болон жуулчдыг сонор сэрэмжтэй байхыг уриалсан гэнэ.
Б.Дэлгэрцэцэг
Уншиж байна |