Авлигатай тэмцэх газраас Монголын Хуульчдын холбоонд хандан МАХН-ын дарга Н.Энхбаярт өмгөөлөгч томилж өгөхийг хүссэн албан бичгийг өчигдөр хүргүүлжээ.

Н.Энхбаярыг эрүүгийн хэрэгт холбогдуулан шалгаж, удаа дараа зарлан дуудах хуудас өгсөн ч тэрбээр очихгүй, мөрдөн байцаалтын ажиллагаанд саад учруулсаар байгаа учраас АТГ ийм арга хэмжээ авчээ. Н.Энхбаяр нь өөрт нь өмгөөлөгч олдохгүй байгаа гэсэн тайлбар хэлсэн учраас  Авлигатай тэмцэх газар Эрүүгийн байцаан шийтгэх хуулийн 40 дүгээр зүйлийн 40.1.5, 40.2-т заасан үндэслэлээр Монголын Хуульчдын холбоонд хандсан байна.