УИХ-ын чуулганы нэгдсэн хуралдаанаар БХБ-ын сайдад Г.Мөнхбаярыг томилох асуудлыг хэлэлцэв. Хэлэлцэж байгаа асуудалтай холбогдуулан гишүүд үг хэлж, асуулт тавив.
УИХ-ын гишүүн Л.Энх-Амгалан:
-Барилгын салбарт бизнес эрхлэх таатай орчныг бүрдүүлэхийг хүсье. Барилга барихээр эхлүүлэхэд тусгай зөвшөөрлийг дамладаг. Тиймээс барилгын салбарын бизнес эрхлэх таатай орчныг бүрдүүлээрэй.
УИХ-ын гишүүн н.Пүрэвдорж:
-Өнгөрсөн дөрвөн жилд хамгийн сайн хэрэгжсэн ажил бол ипотекийн зээл. Ипотекийн зээлийг зогсоовол барилгын салбар нуран унана. Тиймээс энэ зээлийг шинэ Засгийн газар танилцуулж, авч явах талд ажиллаарай. Мөн “Сайн хашаа” хөтөлбөрийг хэрэгжүүлээрэй. Нэг хашаанд 15 сая төгрөгий зээл болгон өгөх хөтөлбөр гаргасан. Үүнийг хэрэгжүүлвэл илүү үр дүнтэй болно. Засгийн газрын томилгоо нэг сонин. Мэргэжлийн Засгийн газар юм уу, Миеэгийн Засгийн газар юм уу. Төр, засгийн Засгийн газар юм уу, Төв аймгийн Засгийн газар юм уу.
БХБ-ын сайдад нэр дэвшигч Г.Мөнхбаяр:
-Ипотекийн зээл үргэлжлэх эсэх нь улс орны санхүүгийн байдлаас шалтгаална. Гэхдээ Ипотекийн зээлийн хүү нь аймаг, орон нутагт бага, Улаанбаатар хотдоо нэмүү байх нь зөв байх гэсэн байр суурьтай байдаг.
УИХ-ын гишүүн Ц.Нямдорж:
-Салбарт бүрт байгаа байдлыг мэдээлэх хэрэгтэй. Салбар болгон маш хүнд байгаа. Нэн ялангуяа барилгын салбар. Компаниуд зээл аваад барьчихсан. Заръя гэхээр худалдан авалтгүй болчихсон. Улс ард иргэдэд тарааж өгье гэхээр улсад мөнгө байхгүй. Энэ салбарт бий болсон эдийн засгийн бодит чадавхи нь ямар байна. Цаашид яаж энэ салбарыг хөдөлгөх вэ? Улаанбаатар хотын иргэдийг халуун, хүйтэн устай хаусанд амьдруулна гэхчихээд сонгуулиар “Сайн хашаа” гэж яриад эхэлсэн. “Түрээсийн орон сууц” хөтөлбөрийг сайн хараарай.
УИХ-ын гишүүн С.Эрдэнэ:
-Аливаа асуудалд бид өмнөх хойдохдоо авч гээхийн ухаанаар хандах хэрэгтэй. Өнгөрсөн 4 жилийг хамтарсан Засгийн газартай өнгөрүүлсэн. Өнгөрсөн дөрвөн жил барилга бүтээн байгуулалтын хувьд асар их амжилт олсон жилүүд байсан. 80 гаруй мянган иргэдийг оронсууцжуулсан. Улаанбаатар хотын өнгөр төрх нүдэн дээр илт өөрчлөгдсөн. Үүнтэй хэн ч маргахгүй. Илт зүйл дээр улс төр хийж, үгүйсгэхийн тулд үгүйсгэх болохгүй.
Мөнхбаяр даргыг би мэднэ, дэмжиж байна. Мэргэжлийн гээд байгаа Засгийн газарт цорын ганц мэргэжлийн хүн ороод ирсэн байна. Хот байгуулалтын асуудалд анхаарай, гэр хорооллын дахин төлөвлөлтийг улам сайжруулах ёстой.
Ийнхүү БХБ-ын сайдад Г.Мөнхбаярыг томилохыг гишүүдийн 91.1 хувь нь дэмжин батлав.
Одоо ЭМ-ийн сайдад А.Цогцэцэгийг томилуулах асуудлыг хэлэлцэж эхэллээ.
Н.Энх
Уншиж байна |