Засгийн газрын өчигдрийн хуралдаанаар яамдын дэд сайд нарыг томилсон. МАН-ын Удирдах зөвлөлөөс нийт 13 хүнийг дэд сайд нэр дэвшүүлсэн. Харин Засгийн газар 10 дэд сайдыг томилсон юм. Үлдсэн гурван дэд сайдыг томилоогүй шалтгааныг Засгийн газрын Хэвлэл мэдээллийн албаны дарга Г.Отгонбаяр тайлбарлав. Тэрбээр "Засгийн газрын өчигдрийн хуралдаанаар буюу ажлын цаг дуусах үед АТГ-аас 10 хүний ашиг сонирхлын зөрчилтэй эсэх лавлагааг ирүүлсэн байсныг хэлэлцсэн. Үлдсэн гурван сайдын лавлагааг АТГ-аас ирүүлэх үү, ирүүлж амжаагүй юу гэдгийг Засгийн газар мэдэхгүй байна" гэв.
Гадаад харилцааны дэд сайдад нэр дэвшсэн Г.Тэнгэр, Барилга, хот байгуулалтын дэд сайдад яригдсан М.Батбаяр, Хүнс хөдөө аж ахуй, үйлдвэрлэлийн дэд сайдад нэр дэдшүүлсэн Т.Аубакир нарын томилгоо хүлээгдэж байна.
В.Бат
Уншиж байна |