Риогийн олимпийн хоёр дахь өдөр буюу наймдугаар сарын 7-ны өдөр манай улсаас жүдо хоёр, буудлага хоёр, бокс нэг, хүндийг өргөлт нэг тамирчин хүч сорив. Манай тамирчид одгүй байлаа.
Эмэгтэйчүүдийн 52 кг-д хүч үзсэн А.Цолмон эхний шатанд Америкийн Анжелика Дельгадог вазаригаар буулган авсан боловч дараагийн шатанд дэлхийн гурван удаагийн аварга Японы Мисато Накамурад 2:19 минутанд цэвэр ялагдав.
Мөн хүндийг өргөлтийн 56 кг-ийн жинд өрсөлдсөн манай тамирчин ОУХМ Ө.Чагнаадорж огцом өргөлтөөр 103 кг-ийг захиалсан боловч гурван оролдлогоор гүйцэтгэж чадалгүй ангилалдаа сүүлийн байр эзлэв.
Боксын төрлийн 69 кг-ийн жинд Б.Түвшинбат өчигдөр эхний тулаанаа хийлээ. Тэрбээр шөвгийн 16-д үлдэхийн төлөө "Риоцентро" ордонд Аргентиний Алберто Палметтатай тулсан бөгөөд өрсөлдөгчөө гурван үеийн турш илүүрхэн 3:0-ээр ялалт байгууллаа. Ингэснээр манай тамирчин дараагийн шатанд Ирландын Стивен Доннеллитэй 8 сарын 12-нд тулалдах болов.
Ийнхүү манай тамирчид хоёр дахь өдрийн тэмцээнээ өндөрлүүллээ.
Г.Тэгшсүрэн
Уншиж байна |