Хойд Солонгосын удирдагч Ким Чен Уны зарлигаар энэ наймдугаар сард 60 хүнийг олны өмнө цаазалсан талаар “AFP” агентлаг эх сурвалжийн мэдээллээс иш татан дамжууллаа. Цаазын ялаар шийтгүүлсэн хүмүүсийн 80 орчим хувь нь улсын нууцын зэрэглэлтэй мэдээ, материалыг гадны тагнуулынханд дамжуулсан, гадны шашныг сурталчилсан хэмээн буруутгасан байна.
Харин үлдсэн хүмүүсийг зөвшөөрөлгүйгээр хүмүүсийг хил давуулдаг хэмээн буруутгаж, олны өмнө цаазаар авсан талаар Өмнөд Солонгосын хэвлэлүүд мэдээлж буй юм.
Хойдын хилийн цэргүүд өнгөрсөн дөрөвдүгээр сарын эхээр Хятад руу хууль бусаар хил давуулдаг 10 гаруй хүнийг баривчилжээ. Удирдагчид эдгээр иргэдийг “урвагч” хэмээн үзэж, цаазлахаа мэдэгдсэн юм. Ким Чен Ун жилд дунджаар 30-50 хүнийг цаазлах зарлигт гарын үсэг зурдаг байна. Жил ирэх тусам тэрбээр улам хэрцгий, харгис болж буйг НҮБ мэдэгдэж, “Хүний эрх эрх чөлөөг хүндэтгэх”-ийг уриалсан билээ.
Б.Дэлгэрцэцэг
Уншиж байна |