ОХУ-ын Санкт-Петербург хотод террористуудыг устгасан талаар “Ройтерс” агентлаг мэдээллээ. Тус улсын тусгай хүчнийхэн террористууд нуугдаж байсан орон сууцны барилга руу нэвтэрч, устгажээ. Уг ажиллагааны үеэр дөрвөн террорист амиа алдсан гэнэ.
Амиа алдсан террористуудыг халдлага үйлдэхээр төлөвлөсөн, оролцсон хэмээн буруутгаж, эртнээс мөрдөж байжээ. Засгийн газар Хойд Кавказад хэт даврах үзэлтнүүдийн эсрэг тэмцэж, ОХУ-ын газар нутагт халдлага гарахаас урьдчилан сэргийлж байна.
Британийн “ВВС” агентлагийн Москва дахь сурвалжлагч Сарр Райнсфорд “Санкт-Петербург хотноо исламын шашинтнуудын эсрэг тусгай ажиллагаа явуулах нь ховор юм” гэж мэдээлжээ.
Амиа алдсан террористуудыг Залим Шебзхов, Амстемир Шерев болон Вячеслав гэдэг байна. Тэд “Далд террорист” гэх бүлэглэлийн удирдагч байсан гэнэ.
Б.Дэлгэрцэцэг
Уншиж байна |