Өнгөрсөн өдөр Улаанбаатар хотын Замын цагдаагийн газрын ЖШУХ нийт 430 дуудлага мэдээ мэдээлэл хүлээн авчээ. Үүнээс зам тээврийн ослын 338 дуудлага бүртгэгдсэн байна.
ЧД-ийн нутаг Зуслангийн зам, Салхитын ЕБ-ын 117-р сургуулийн буудалд H.Verna маркийн автомашины жолооч нь T.Landcruiser маркийн П жолоочтой автомашинтай мөргөлдөж, 3 хүн гэмтээн ослын газрыг орхин явсан байна. Мөн тус дүүргйин нутаг Лааганы гудамж, 50-р сургуулийн урд замд марк, дугаар тодорхойгүй автомашины жолооч нь явган зорчигч 22 настай Б-г мөргөж гэмтээн ослын газрыг орхин явсан байна.
Хөдөө орон нутагт Өмнөговь аймгийн Ханбогд сумын Ухаа худаг уурхайгаас Цагаан хад чиглэлийн асфальтан замд UAZ маркийн автомашины жолооч Х нь явган зорчигч 45 настай Б-г мөргөж амь насыг нь хохироожээ. Мөн Төв аймгийн Сэргэлэн сумын нутаг Салхин сэнс гэх газар асфальтан замын хажуу руу Э жолоочтой T.Prius маркийн автомашин онхолдож, жолооч 37 настай Э-н амь нас хохирсон байна.
Г.Тэгшсүрэн
Уншиж байна |