“Нормандын дөрвөл”-ийн байгуулсан гал зогсоох гэрээ хүчингүй болоод олон сар өнгөрч буй тухай Украины армийнхан мэдэгдсэн талаар “TASS” агентлаг уламжлав. Украины зүүн хязгаарт хяналтаа тогтоосон салан тусгаарлагчид аюулгүй байдлын үүднээс сөргөлдөөний бүсээс холгүй байршсан армийнх руу гал нээж буйг Батлан хамгаалах яам онцолцжээ.
Салан тусгаарлагчид өнгөрсөн долоо хоногоос давшилтаа улам эрчимжүүлж, шөнийн цагаар армийн дайчид байршиж буй бүс нутагт халдах болсон гэнэ. Мөн арми болон босогчдын зөрчилдөөний улмаас зөвхөн Донецк мужид өдөрт 15 хүн амиа алдах болжээ.
Армийнхан “ОХУ салан тусгаарлагчдыг зэвсгээр хангадаг” хэмээн мэдэгдэж, “Салан тусгаарлагчид сүүлийн үеийн зэр зэвсгээр тоноглогдсон нь сэжиг бүхий байна” гэж мэдэгдсэн байна. Бүгд Найрамдах Донецк улсын Ерөнхийлөгч хэмээн өөрийгөө өргөмжилсөн Александр Захарченко зэвсгээ хаанаас авдаг талаараа хэлэхээс татгалзаж “Энэ бол бидний нууц” гэж хэлжээ.
БНХАУ-д энэ амралтын өдөр “Их 20” дээд хэмжээний уулзалт болох билээ. Уулзалтын хоёр дахь өдөр Германы Канцлер Ангила Меркелийн санаачлагаар Нормандын дөрвөл гурав дахь удаагаа уулзахаар болсон байна.
Б.Дэлгэрцэцэг
Уншиж байна |