Монголын авто замчдын холбооноос УИХ-ын Төсвийн байнгын хороонд шаардлага хүргүүлжээ.  Өнгөрсөн жилүүдэд хийж, гүйцэтгэсэн ажлуудаас авто зам, засвар арчлалтын 2016 оны гүйцэтгэлийн санхүүжилт, зам гүүрийн барилга, зөвлөх үйлчилгээний чиглэлийн Засгийн газрын олгохоор шийдвэрлэсэн санхүүжилт хийгдээгүй байгаа аж.

Санхүүжилт хугацаандаа хийгдээгүйгээс авто замын салбарын компаниуд татвар, нийгмийн даатгал, банкны өр зээл нэхэгдэн, шүүхэд шилжжээ. Ажилчдын цалин ч хэдэн сараараа олгогдоогүйгээс 52 байгууллагын 4000 ажилчдын ар гэр хүнд нөхцөлд байгаа юм байна.  Иймээс авто замын олон компани санхүүжилтийн хүндрэлээс шалтгаалан үйл ажиллагаагаа зогсоох,  ажилчдаа халах хэмжээнд хүрчээ.

Хэрвээ энэ оны төсвийн тодотголоор санхүүжилтийн шийдвэрлэхгүй бол ажил хаялт зарлаж, барьсан замуудаа хаах хүртэл арга хэмжээ авахаа уг шаардлагаар мэдэгджээ.

Н.Нягт