АНУ-ын Ерөнхийлөгчийн сонгуульд Бүгд найрамдах намаас нэр дэвшиж буй тэрбумтан Дональд Трамп өчигдөр “MSNBC” сувагт өгсөн ярилцлагынхаа үеэр “ОХУ-ын Ерөнхийлөгч В.Путин бол агуу удирдагч” гэж ярьсан талаар “CNN” агентлаг мэдээллээ.
Трамп хэлэхдээ “Путин, манай улсын Ерөнхийлөгч Барак Обамагаас илүү сайн удирдагч. Хэрвээ би сонгуульд ялалт байгуулвал хамгийн эхэнд Оростой харилцаагаа сайжруулан, В.Путинтэй нөхөрлөх болно” гэжээ.
Хөтлөгч “Путин таны ярьсан зүйлд тааламжгүй хандвал” гэхэд тэрбээр “Путин миний талаар муу зүйл ярихгүй бол би ч гэсэн муу зүйл ярихгүй. Путин надад их таалагддаг. Миний эхний зорилго бол АНУ, ОХУ-ын харилцааг сайжруулах” гэж хариулжээ.
Трамп өмнө нь төрийн тэргүүн болбол маргааш өдөр нь Москва хотноо айлчилна хэмээн мэдэгдсэн билээ.
Б.Дэлгэрцэцэг