Өмнөд Солонгосын “Samsung Electronics” корпорацийн шинээр гаргасан “Galaxy Note 7” ухаалаг гар утсыг зах зээлээс эргүүлэн татаж эхэлсэн талаар “www.dailymail.co.uk” мэдээллээ.

Уг мэдээлэлтэй зэрэгцэн АНУ-ын Хэрэглэгчийн төвөөс иргэдийг “Galaxy Note 7” утсыг худалдан авахгүй байхыг уриалсан байна.

Тус утас худалдаанд гараад удаагүй байхдаа баттерей нь гэнэт дэлбэрсэн олон тохиолдол бүртгэгджээ. Дээрх утсуудыг цэнэглэж байхад гэнэт дэлбэрсэн байна. Уг утсыг онгоцонд ашиглахгүй байхыг АНУ-ын Иргэний нисэхийн ерөнхий газар зорчигчдод анхааруулжээ.

Энэхүү дуулианы улмаас “Samsung Electronics” гар утсаа эргүүлэн татах ажлыг эхлүүлжээ.

“Galaxy Note 7”-ийн асуудлаас болж “Apple” брэндийн “IPHONE” ухаалаг утасны борлуулалт хоёр дахин нэмэгдсэн байна.

Б.Дэлгэрцэцэг