С.Зориг агсны эхнэр Б.Булганыг цагдан хориод багагүй хугацаа өнгөрсөн. Хоригдох үедээ байнгын гэрэлтэй орчинд, хувцасыг нь ч солиулахгүй байгаа нь хүний эрхийг зөрчиж байгааг түүний ойрын хүмүүс болоод эргэлтээр очсон гишүүд ч ярьсан байдаг. Тэгвэл баттай эх сурвалжийн мэдээлж буйгаар С.Зориг агсны эхнэр Б.Булганыг сулласан байна.
Гэхдээ багагүй хугацаанд хорьсон түүнийг яагаад гэнэт суллав гэдэг олны анхаарлыг татаж байна. Өөрөөр хэлбэл, Нийслэлийн АН-ын дарга Э.Бат-Үүлийг С.Зориг агсны хэрэгт холбогдуулан шалгаж эхэлсэн нь Б.Булганыг суллах шалтгаан болсон байж болзошгүйг зарим хүмүүс хэлж байгаа юм.
Ямартаа ч хэргийн учир зангилааг тайлах учиртай цорын ганц гэрч суллагдаж, Хотын дарга асан Э.Бат-Үүлийг сэжиглэж эхэлсэн нь хоорондоо ямар сэжмээр холбогдож байгааг харах л үлдээ. Б.Булганы амнаас унах ганц үгнээс олон хүний амьдрал шалтгаалж ч мэдэх юм.
Х.ЦОМ
Эх сурвалж: www.polit.mn