Төр, нийгмийн нэрт зүтгэлтэн Маршал Юмжаагийн Цэдэнбалын мэндэлсний 100 жилийн ойд зориулсан “Алдар гавъяаны замнал” үзэсгэлэн Монголын Үндэсний музейд өнөөдөр нээлтээ хийнэ.
Тус үзэсгэлэнд Ю.Цэдэнбал агсанд холбогдох 700 гаруй эд өлөг дэлгэх ажээ. МӨн 1990 оны есдүгээр сард Улсын Прокурорын Ерөнхий газраас Монголын Үндэсний Музейн сан хөмрөгт шилжин ирж хадгалагдсан зүйлсээс энэхүү үзэсгэлэнд 150 гаруйг нь түүвэрлэн олон нийтийн хүртээл болгох юм байна.
Түүнчлэн Монгол банкны Зах зээлийн газрын Эрдэнэсийн санд хадгалагдаж буй Ю.Цэдэнбалын БНМАУ-ын Улсын Баатарын “Алтан таван хошуу”, Хөдөлмөрийн Баатарын “Алтан соёмбо”, Маршал сэлэм зэрэг эд өлгийг анх удаа олонд дэлгэн үзүүлж байгаагаараа онцлог юм.
Тус үзэсгэлэн энэ сарын 15-наас аравдугаар сарын 15-нийг хүртэл олонд нээлттэй байх ажээ.
Г.Тэгшсүрэн
Уншиж байна |