УИХ-ын гишүүн, АН-ын орон нутгийн сонгуулийн ерөнхий менежер Д.Эрдэнэбат мэдээлэл хийлээ. Тэрбээр мэдээлэлдээ:
-Өнөөдрийн байдлаар орон нутгийн сонгуульд 15 мянга гаруй нэр дэвшигчид СЕХ-нд бүртгүүлснээс 7500 гаруй нь АН-аас нэр дэвшигчид байна. Мэдээж нэр дэвшигчийг бүртгэхгүй байх, сонгуулийн хороонд нэг талын барьсан хүмүүс дийлэнх байх зэрэг олон маргаантай зүйлүүд байгаа. Энэ бүхнийг хууль хяналтын байгууллагууд шалган шийдэх байх. Манай намын сонгуулийн штаб орон нутгийн сонгуульд оролцох бэлтгэл ажлаа хийгээд байна.
Орон нутгийн сонгуультай холбоотой бүртгэл болон шилжилт хөдөлгөөний асуудал эргэлзээ дагуулж байгаа. Өнгөрсөн УИХ-ын сонгуулиар нэг сонгогч олон газар саналаа өгсөн гэсэн гомдол ирсэн. Энэ гомдол саналыг бид нухацтай авч үзэх зайлшгүй шаардлагатай. Тийм учраас УИХ дахь АН-ын бүлэг үүнийг нухацтай авч үзэж, сонгуулийн үеэр шилжилт хөдөлгөөнтэй холбоотой асуудлыг дахин УБЕГ, ТЕГ-т шинжлүүлэх саналтай байгаа.
Шинэчлэл гэдэг бол том асуудал. Зөвхөн АН-ын даргыг сольсноор дуусахгүй. Шинэ дүрмээ нийтээр хэлэлцнэ. Арванхоёрдугаар сарын 6-нд улс орны нийгэм, эдийн засгийн нөхцөлд байдалд зөв дүгнэлт хийсэн томоохон улс төрийн илтгэлийг бэлтгэж тавина. 2017 он бол АН-ын шинэчлэлийн жил болно хэмээв.
Н.Энх
Уншиж байна |