БНСУ-ын Умард Кёнсан мужийн Кёнжү хотын орчимд өчигдөр 3.5 баллын хүчтэй газар хөдлөлт болсон. Солонгосын мэргэжилтнүүд энэ удаагийн газар хөдлөлт нь тус улсын түүхэнд анх удаа хамгийн хүчтэйд тооцогдсон 9 дүгээр сарын 12-ны өдрийн 5.8 баллын хүчтэй газар хөдлөлтийн үргэлжлэл хэмээн үзэж байгаа бөгөөд ямар нэгэн хохирол учраагүй байна.
Сөүл дэх манай улсын ЭСЯ-ны мэдээлснээр газар хөдлөлтийн голомтонд оршиж буй Кёнжү хотод манай улсын 110 иргэн оршин суудаг аж. Одоогоор монгол иргэд газар хөдлөлтөд өртсөн тухай мэдээлэл ирээгүй байна.
В.Бат
Уншиж байна |