УИХ-ын дэд дарга Ц.Нямдорж “Эрдэнэт” үйлдвэрийн асуудлаар мэдээлэл хийлээ. Тэрбээр мэдээлэлдээ:
-Сонгуулийн өмнө “Эрдэнэт” үйлдвэрийн хувьчлалын талаар шийдвэр гарч байдал учир битүүлэг учир битүүлэг байна. Би Засгийн газар энэ асуудлаар санал хүргүүлсэн байгаа. ОХУ-ын талаас “Эрдэнэт”-ын 49 хувиа худалдах санал анх манай Засгийн газар хүргүүлсэн юм билээ. Манай тал худалдан авах давуу эрхээ Оросын талын шахалтаар татгалзсан. Хамгийн гол нь 49 хувийг худалдан авсан эх үүсвэр нэг. Зургадугаар сарын 27-нд Сангийн сайд Б.Болорын нууц тушаал гарсан. Энэ тушаалаараа“Эрдэнэт”-ийн Монголын талд ногдох 51 хувийг 49 хувийг худалдан авсан худалдан авсан гэх хүнийг эрхэнд үнэгүйгээр шилжүүлэх тушаалыг гаргасан байна. Ингэхдээ ТУЗ нь 6 гишүүнтэй бөгөөдТУЗ-ын дарга нь цөөнхийн төлөөлөл байна гэсэн тушаал гаргажээ. Үүний дараа энэ дагуу “Эрдэнэт” үйлдвэрийн дүрмийг баталжээ. Үүнээс болоод өнөөдөр “Эрдэнэт” үйлдвэрт Засгийн газрын 51 хувийн эрх мэдэл байхгүй болсон. Ерөнхий сайдын захирамжаар байгуулагдсан ажлын хэсэг “Эрдэнэт” үйлдвэрээс мэдээлэл авах гэхэд өгөхгүй байна. Өнөөдрийг хүртэл ТУЗ-ын дарга хэн болсон нь ойлгомжгүй. Засгийн газрын 51 хувийг төлөөлж байсан н.Шинэбаатар гэдэг хүн долдугаар сарын 7-нд өөрийгөө “Эрдэнэт” үйлдвэрийн ерөнхий захирлын нэгдүгээр орлогч болгон томилжээ. Уг нь төрийн 51 хувийг хамгаалж байх ёстой хүн.
“Эрдэнэт”-ийн ард Эрдэнэбилэг байна
Эрдэнэт үйлдвэр ноднин 284 тэрбум төгрөгийн татвар төлж байсан бол энэ жил 20 тэрбум төгрөгийн татвар төлжээ. Гэтэл ижил төрлийн үйл ажиллагаа явуулж байгаа “Оюутолгой” компани энэ оны эхний найман сарын байдлаар 244 тэрбум төгрөгийн татвар төлсөн байна. Үүний цаана Эрдэнэт”-ийн мөнгөөр өөрийг нь худалдан авчээ. Энэ бүх үйл ажиллагааны цаана ХХБ-ны ТУЗ-ийн дарга н.Эрдэнэбилэг гэдэг хүн байна. “Эрдэнэт” үйлдвэр тойрсон бүх зүйл энэ хүнээр дамжсан зураг харагдаж байна.
Н.Пүрэвтүвшин 49 хувийг худалдан авах ажиллагааг хийжээ
2010 онд МУИС-ийн Хуулийн анги төгссөн. 2011-2012 онд ХХБ-ны хуулийн хэлтэст ажиллаж байсан Пүрэвтүвшин гэдэг хүн “Монголиан корн” гэдэг корпориацийн захирлын албан тушаалд томилогдож, 49 хувийг худалдан авах ажиллагааг хийжээ. Энэ хүн ХХБ-ны ТУЗ-ийн дарга н.Эрдэнэбилэгийн 2007 онд байгуулсан компанид хуулийн зөвлөхөөр давхар ажилладаг юм байна.
Тиймээс “Сангийн сайд байсан Б.Болорын “Эрдэнэтийн 51 хувийг нөгөө талд бэлэглэсэн хоёр нууц тушаалыг хүчингүй болго. “Эрдэнэт”, Монголросцветмент”-ийн хувьцаа эзэмшигчдийн хурлыг шинээр дахин хий. Төрийн төлөөллийг хэрэгжүүлэх хүмүүсийг шинээр дахин томил. “Эрдэнэт” үйлдвэрийн ТУЗ-ийг томилохдоо 51:49 гэсэн харьцаагаа баримтал. “Монголиан корн” гэдэг корпориаци ямар хувилбараар “Эрдэнэт”-ийн 49 хувийг худалдан авсныг шалга гэсэн бичгийг Засгийн газарт явууллаа.
Олон нийтэд ил болсон баримт бүхий мэдээллээр ХХБ нь Дарханы хар төмөрлөгийн үйлдвэр, Хөтлийн цемент шохойн үйлдвэр зэргийг “Монголросцветмент” ижил аргаар авч, цаашид Багануур, III, IV станцыг ийм аргаар эрхшээлдээ оруулах бэлтгэлээ хангаж байна. Арилжааны банк ийм ажиллагаа явуулах хуулиар хориотой гэсэн бичгийг Засгийн газарт явууллаа хэмээн мэдээллээ. Тэрбээр мэдээлэл хийснийхээ дараа сэтгүүлчдийн сонирхсон асуултад хариулсан юм.
Н.Энх