Сингапурт зорчихдоо юуг анхаарах вэ
2016-09-30

Гадаад харилцааны яамнаас Сингапур улсад зорчихдоо юуг анхаарах тухай зөвлөмжийг гаргажээ. Монгол Улсын иргэд Сингапурт 30 хүртэл хоног визгүй зорчих эрхтэй байдаг бөгөөд энэ хугацааг хэтрүүлэхгүй байхыг Гадаад харилцааны яамнаас анхааруулж байна.

 

 

 

  • Сингапурын хилийн шалган нэвтрүүлэх боомтын мэдүүлгийн хуудас дээр өөрийн аялалын зорилго, аялах хугацаа, зочид буудал болон байрлах хаяг зэргийг дэлгэрэнгүй бичиж, танд өгөх хувийг хилээр буцаж гарах хүртлээ үрэгдүүлэхгүй байх

 

  • Сингапурт аялахдаа багдаа 1000 сингапур доллар биедээ бэлнээр авч явах

 

  • 20.000-аас дээш сингапур доллар эсхүл түүнтэй тэнцэх валют бэлнээр биедээ авч яваа бол энэ талаар гаалийн мэдүүлэгт заавал мэдүүлэх, хэрэв мэдүүлээгүй тохиолдолд мөнгийг хурааж авах журамтай болохыг анхаарах

 

  • Сингапурын  гааль, татварын газрын зөвшөөрөлгүйгээр эмчилгээний зориулалттайгаас бусад төрлийн бохь, зажилдаг тамхи болон электрон тамхи, гар бууны хэлбэртэй тамхины асаагуур, сэтгэцэд нөлөөлдөг бэлдмэл болон мансууруулах бодис, нэн ховордсон биологийн төрөл зүйл болон тэдгээрээс гаргаж авсан бүтээгдэхүүн, салют эсхүл тэсэрч дэлбэрэх бодис зэргийг биедээ авч явахгүй байх

 

  • Садар самуун бүхий сонин сэтгүүл, бичлэг, диск,  зохиогчийн эрхийг зөрчиж хуулбарласан сонин сэтгүүл, бичлэг, тус улсын бодлого зарчмаас тэрсэлсэн болон өдөөн хатгасан материал, мэдээлэл, эмчийн жоргүй эм, бэлдмэл, тан, шүдэнз, баллонтой шүршигч, химийн бодис, цэвэрлэгээний шингэн, керосин, хий, будаг, түүнийг шингэрүүлэгч, үнэт эдлэл, үслэг эдлэл, зоос маркны цуглуулга зэргийг хилээр авч орохыг хатуу хориглодог болохыг анхаарах

 

  • Мансууруулах бодисыг хууль бусаар тээвэрлэх, худалдах, ашиглахыг хатуу хориглодог бөгөөд цаазаар авах хүртэлх ял оноодог тул бусдын ачаа тээш, эд зүйлс авч явахгүй байхыг онцгой анхаарах

 

  • Сингапурт согтуурсан болон мансуурсан этгээд олон нийтийн газар биеэ зүй  бус авч явах тохиолдолд 6 сар хүртэл хугацаатай ял эдлэх, 1000 хүртэл сингапур долларын торгууль төлөх эсхүл хуулийн энэхүү заалтыг зэрэг оногдуулдаг болохыг анхаарах

 

  • Сингапурт өмнө нь хэрэг зөрчил гаргаж цагдаад бүртгүүлж байсан бол тус улсад нэвтрэх зөвшөөрлийг урьдчилан авах шаардлагатайг анхаарах
Shuud.mn
Сонин хачин
irgen:
Xeregtei medeelel bn.bayralalaa
2016-09-30