Өмнөд Солонгосын Ерөнхийлөгч Пак Ын Хэг төрийн нууц задруулсан хэмээн буруутгаж, нийслэл Сөүл хотноо гуравдахь өдрөө эсэргүүцлийн жагсаал зохион байгуулагдаж байна. Жагсаалд ойролцоогоор 28 мянган хүн нэгджээ.  Жагсагчид Ерөнхийлөгчөө огцорч, түүнийг хуулийн дагуу шийтгэхийг шаардаж буй юм.

Пак Ын Хэ Ерөнхийлөгчийн сонгуульд өрсөлдөж байхдаа хэлэх үгээ дотны найз Чой Сүн-силд хянуулдаг байжээ. Мөн тэрбээр 2014 онд Чежү арлын ойролцоо осолдсон “Севол” хөлгийн асуудлаар дотны найзтайгаа найман цаг хэлэлцсэн болохыг сөрөг хүчнээс мэдээллээ.  Ослоор 300 хүн амиа алдсан юм.

Өнөөг хүртэл дээрх асуудлаар Ерөнхийлөгч мэдээлэл хийхгүй байгаа нь иргэдийн дургүйцлийг хүргэх болжээ. Мөн Ерөнхийлөгчийн дэмжигчдийн тоо 14 хувиар буурсан болохыг “Gallup Korea” байгууллагаас мэдээлсэн байна. Тус байгууллага мэдээлэхдээ “Өнгөрсөн онд Ерөнхийлөгчийг нийт иргэдийн 43 хувь нь дэмждэг байсан” гэв. 

Эсэргүүцлийн жагсаалтай холбогдуулан Канадад гэр бүлийнхээ хамтаар амьдарч буй Чой Сүн-сил өчигдөр эх орондоо иржээ. Тэрбээр “Би мэдээлэл хийхэд бэлэн” гэж мэдэгдсэн байна. 

Б.Дэлгэрцэцэг