УИХ дахь АН-ын бүлэг мэдээлэл хийлээ. УИХ дахь АН-ын бүлгийн дарга С.Эрдэнэ:
-МАН-ын мэргэжлийн гэх тодотголтой хамаатан садан, ураг төрөл, “давхар дээл”-тэй уяачдын Засгийн газар байгуулагдаад 100 хоногийн тайлангаа тавьж байна. Гэвч тэдний 100 хоногийн тайлангийн агуулга нь ард иргэдийн хүлээлтийн эсрэг өмнөх Засгийн газрын хийсэн ажил, тууз хайчилсан тухай, ирээдүйд хийхээр эх үүсвэр нь тодорхойгүй ажил жагсаасан байна. Хийхээр төлөвлөсөн ч хэрэгжих боломжгүй, гарт баригдаж, нүдэнд үзэгдэх ажил хийсэнгүй. Хурдтай,бүтээлчээр ажиллана гэсэн Ж. Эрдэнэбатын Засгийн газар 100 хоногт мэлхийн хурдаар ажилласан. УИХ-ын сонгуулиар амлаж байсан мөрийн хөтөбөрөө эхнээс нь хэрэгжүүлсэнгүй. Хүүхдийн мөнгийг ялгавартай олгож, Хүүхэд харах үйлчилгээний хуулийн үйлчлэлийг хойшлуулах, оюутны тэтгэлгийг хүчингүй болголоо. Өмнөх Засгийн газрын ажлыг өөрсдөө хийсэн мэтээр ажлаа тайлагналаа. Тиймээс УИХ дахь АН-ын бүлэг төдийгүй ард түмэн мэргэжлийн бус Засгийн газар “Онцмуу” гэсэн үнэлгээ өгч байгааг онцолж хэлмээр байна.
Засгийн газраас 100 хоногт хийсэн хамгийн сайн ажил бол улс төрийн намын харъяаллаар нь халж, албан тушаалын арилжаа наймааг хамгийн сайн хийлээ. Өнөөдөр ямар албан тушаал ямар ханштай байгаа талаар ам дамжсан яриа гарч байна хэмээлээ.
Н.Энх