АНУ-ын 45 дахь Ерөнхийлөгчөөр тэрбумтан Дональд Трамп сонгогдсон билээ. Тэрбээр ирэх оны нэгдүгээр сарын 20-ны өдөр тангарагаа өргөж, үүрэгт ажилдаа орох юм. Трамп Ерөнхийлөгчийн цалингаасаа татгалзаж буйгаа “CBS” сувагт өгсөн "60 минут" нэвтрүүлэгт ярилцлага өгөх үеэрээ онцолжээ.
Тэрбээр “Би Ерөнхийлөгч хэдэн долларын цалинтай гэдгийг мэддэггүй. Ерөнхийлөгчийн бүх хэрэгцээг улсаас гаргадаг. Тиймээс цалин авах нь утгагүй хэрэг. Ерөнхийлөгч хуулийн дагуу нэг ам.долларын цалин авах ёстой. Тиймээс би бүрэн эрхийнхээ хугацаанд нэг ам.долларын цалин авах болно” гэж хэлжээ.
АНУ-ын Ерөнхийлөгчийн жилийн цалин 400 мянган ам.доллар гэнэ. Трампийн нийт хөрөнгө 3.7 тэрбум ам.доллар юм.
Б.Дэлгэрцэцэг
Уншиж байна |