БНХАУ-ын цагдаагийнхан олон нийтийн сангаас их хэмжээний мөнгө шамшигдуулж, эх орноосоо зугтаасан Янг Хиузу гэгчийг баривчилсан талаар “www.dailymail.co.uk” мэдээллээ.
Тэрбээр ийнхүү 13 жилийн дараа цагдаагийнханд баригдсан аж. Янг энэ хугацаанд Ази, Европ болон Хойд Америкийн орнуудад нуугдаж байжээ.
Түүнийг Бээжин хотноо цагдаагийнхан авчирч буй бичлэгийг телевизээр цацсан байна. Тэрбээр өндөр албан тушаал хашдаг байхдаа улсын сангаас 40 сая ам.доллар шамшигдуулж, оргон зайлжээ. 70 настай Янгийг интерполын тусламжтай нуугдаж буй газрыг нь олсон байна. “Улсаас их хэмжээний мөнгө залилж, оргон зайлсан 100 эрхэм” гэх хар жагсаалтад тэрбээр багтсан юм.
Си Зиньпинийн авлигын эсрэг дайнаар 100 мянган хүн шийтгэл авчээ. Өнгөрсөн сард авлига авч, эх орноосоо зугтаасан 365 хүнийг баривчилсан билээ.
Б.Дэлгэрцэцэг
Уншиж байна |