УИХ-ын сонгуулиар МАН үнэмлэхүй олонхи болж, 65 кноп эзэмших эрхийг авсан. Үүнээс хойшхи чуулганы хуралдаан нэг л хэвийн урсгалаараа болж, УИХ-ын дарга алх тогшоод л өнгөрдөг болов.
Үүнээс гадна чуулганы хуралдаан бүр дээр үг хэлж буй гишүүдийн амнаас нэг л үг унадаг болжээ. Тэр нь “Юу ч хэлээд нэмэргүй, та нар угаасаа хүч түрээд баталчих юм чинь...”. Хүний, өөрийн нам гэлтгүй бүх л гишүүд ийм үг хэлдэг болж.
Угтаа бол УИХ-ын чуулганы танхимд сөрөг хүчин хүчтэй дуугарч, зарим хуулийн төсөл дээр завсарлага авч, бүр бойкотлож, эрхээ эдэлдэг байв. Гэвч үнэндээ өнөөдрийн сөрөг хүчин мянга орилоод ч нэмэргүй, тэдний кнопгүйгээр асуудал шийдэгддэг болчихсон эрхэм гишүүдийг хувь тавилантай нь эвлэрүүлж орхижээ.
Эх сурвалж: mminfo.mn
Уншиж байна |