ОХУ-ын Ерөнхийлөгч В.Путин өнгөрөгч амралтын өдөр “HBT” сувагт ярилцлага өгсөн талаар “TASS” агентлаг мэдээллээ.
Ярилцлагын эхэнд хөтлөгч, Ерөнхийлөгчөөс “АНУ-ын 45 дахь Ерөнхийлөгчөөр сонгогдоод буй Дональд Трампийн талаар. Энэ эрхмийн ачаар хоёр улсын дунд үүсээд буй таагүй уур амьсгал үгүй болох болов уу?” хэмээн асуужээ.
Уг асуултад Путин “Трамп их ухаалаг бас эрс шийдэмгий санагддаг. Тийм учраас тэрбээр үүрэг хариуцлагаа ухамсарлаж, үүргээ сайн гүйцэтгэх байх. Тун удахгүй хоёр улсын дунд үүсээд буй таагүй харилцаа дуусгавар болох байх” гэж хариулсан байна.
Тэрбээр мөн Трамп тангарагаа өргөсөний дараа уулзаж, цаг үеийн асуудлаар хэлэлцэхийг хүсч буйгаа ярилцлагынхаа үеэр онцолжээ. Трамп ирэх сарын 20-ны өдөр тангарагаа өргөх билээ. Тэрбээр анхны айлчлалаа Япон улсад хийх юм.
Б.Дэлгэрцэцэг
Уншиж байна |