Индонез улсад өчигдөр орон нутгийн цагаар 5.3 цагийн орчимд 6.5 баллын хүчтэй газар хөдлөлт билээ. Газар хөдлөлт Саматра арлаас холгүй байрлах Асеч хотноо болсон юм. Тус хотын олон барилга, байгууламж газар хөдлөлтөөр нурсан талаар орон нутгийн хэвлэлийнхэн мэдээлэв.

Тэгвэл гэнэтийн байгалийн гамшгийн үеэр амиа алдагсдын тоо 97-д хүрсэн талаар “Ройтерс” агентлаг уламжлав.

 Газар хөдлөлтийн үеэр 73 хүүхэд гэмтэж, эмнэлэгийн тусламж авчээ. Олон тооны аврагчид ослын газар ажиллаж, сураггүй болсон иргэдийг эрэн хайж байна. Албаныханы мэдээлснээр “20 гаруй хүн сураггүй болсон” гэв.

2004 онд тус улсад хүчтэй газар хөдлөлт болж, 120 мянган хүн амиа алджээ.

Б.Дэлгэрцэцэг