УИХ-ын чуулган хуралдаж байна. УИХ-ын дарга М.Энхболд  өнөөдрийн хуралдаанаар хэлэлцэх асуудлыг танилцуулсны дараа гишүүн О.Баасанхүү санал хэллээ. Тэрбээр:

-Би өглөөнөөс хойш хуралдаанд эхлэхийг хүлээж суулаа. Одоо 20 гишүүн чуулганы танхимд байна. Хуралдаандаа цагтаа эхэлдэг болмоор байна. МАН-ынхан гишүүдийнхээ ирцийг бүрдүүлдэг байх хэрэгтэй. АН-ын гишүүд хуралдаа суухаа болилоо. Хуралдаанд оролцуулаач ээ. Өнөөдөр маргааш хоёрын хувьд чухал ач холбогдолтой өдөр. Авлигатай тэмцэх болон Хүний эрхийн олон улсын өдөр тохиож байна. Гэтэл гишүүд хуралдаа ирэхгүй байна. Гишүүд намын жагсаалтаар сонгогдоогүй сонгогчдыг төлөөлж байгаа. Сонгогчдоо хүндэтгэх хэрэгтэй. Сонгогчдоо хүндэтгэхгүй байж  яаж хүний эрхийн дээдлэх вэ” хэмээлээ. Хариуд нь УИХ-ын дарга М.Энхболд:

-О.Баасанхүү гишүүн та хэлэлцэх асуудалтай холбоотой зүйл хэлсэнгүй. Гишүүдийн хувьд 52.6 хувийн ирцтэй байна гэж самбарт заасан байна хэмээв.

Ийнхүү чуулганы хуралдаанаар ҮХЦ-ийн дүгнэлтийг  эхэллээ.

Н.Энх