Өмнөд Солонгосын Ерөнхийлөгч Пак Ын Хэгийн эцэг Ерөнхийлөгч асан Пак Жон Хигийн гэрийг шатаасан хэрэг энэ сарын 2-ны өдөр гарсан билээ. Цагдаагийнхан уг хэрэгтэй холбогдуулан 40 орчим насны эрэгтэйг баривчлаад байна.
Уг байшин Гума хотноо байрладаг юм. Тэгвэл Хойд Солонгосын удирдагч Ким Чен Уны тушаалаар Ерөнхийлөгчийн эцгийн байшинг шатаасан хэмээн орон нутгийн хэвлэлүүд мэдээлжээ. Ким Чен Уны шинэхэн бичлэг “KCNA” агентлаг нийтлэгдсэн байна. Тэрбээр “Тэр байшинг шатаа” хэмээн уг бичлэгт хэлсэн аж. Гэхдээ уг хэргийн ард "Пхеньян байгаа эсэх нь тодорхойгүй байгаа" талаар албаныхан өгүүлэв.
Пак Ын Хэд итгэл үзүүлэх асуудлаар өнгөрөгч баасан гаригт тус улсын парламент санал хураалт явуулсан. Парламентын 300 гишүүний 234 нь Ерөнхийлөгчөө огцрох ёстой гэсэн бол 56 гишүүн эсрэг санал өгчээ. Мөн хоёр гишүүн саналаа өгөхөөс татгалзаж, долоон саналын хуудас хүчингүй болсон юм. Гэхдээ гишүүд Ерөнхийлөгчийг огцрохыг дэмжсэн ч эцсийн шийдвэрийг Үндсэн хуулийн цэц гаргана.
Б.Дэлгэрцэцэг
Уншиж байна |