Германы Кельн хотноо өнгөрсөн зул сарын баярын үеэр олон зуун дүрвэгчид ганцаараа явж байсан охид, бүсгүйчүүд рүү халдсан билээ.
Цагдаагийн газраас “Ойролцоогоор 1000 гаруй эмэгтэй халдлагад өртсөн. Эдгээр бүсгүйчүүдийн дунд бэлгийн хүчирхийлэлд өртсөн хэд хэдэн хохирогч бий. Ихэнх бүсгүйчүүд гар утас, үнэт эдлэл зэргээ дүрвэгчдэд алдсан. Өнөөг хүртэл хэрэгтнүүдийг эрэн хайсаар байна. Цагдаагийнхан шуурхай ажиллаж уг хэрэгтэй холбогдуулан 100 гаруй хүнийг баривчилсан” гэж хэлжээ.
Эмэгтэйчүүд рүү халдсан дүрвэгчдийн ихэнх нь Хойд Африкаас ирсэн байсан гэнэ. Уг хэргээс болж хотын залуус нэгдэж, дүрвэгчдийг зодох, дүрвэгсдийн хуаран руу дайрах зэргээр танхайрч, Засгийн газраа дүрвэгсдийг нутаг буцаахыг шаардан тэмцсэн билээ. Мөн дүрвэгсдийг хүлээн авсан Канцлер Ангила Меркелийг огцрохыг шаардсан юм.
Тэгвэл тун удахгүй зул сар болох учир Кельн цагдаагийнхан бэлэн байдалд ажиллаж, эмэгтэйчүүдийг хамгаалж эхэлжээ. Зул сарын өдрөөр хотыг 1500 орчим цагдаагийнхан хамгаалж, гэрэлтүүлэг муу, алслагдсан бүс нутгуудад хяналтын камер байршуулахаас гадна тус хотноо байрлах дүрвэгсдийн хуаранд хяналт тогтоосон байна.
Б.Дэлгэрцэцэг
Уншиж байна |