ШШГЕГ-ын албан хаагчдын 50 айлын орон сууц ашиглалтад орлоо. Орон сууцны нээлтийн арга хэмжээ өнөөдөр болж, ХЗДХ-ийн сайд С.Бямбацогт оролцов. Энэ үеэр ШШГЕГ-ын харьяа "Сүлд" спорт хорооны тамирчин, Паралимпийн хүрэл медальт Э.Содномпэлжээд гурван өрөө байрны түлхүүр гардуулж, амьдрал нь тэгш дүүрэн байхыг бэлгэдэн тоононд нь алд цэнхэр хадаг зангидаж, спортын өндөр амжилт хүслээ.

ШШГБ нь өөрийн байгууллагын “Орон сууцны хөтөлбөр”-ийг боловсруулж, ялтныг ажлын байраар хангах, төсөвт зардлыг хэмнэх зорилгоор өөрийн хөрөнгө болон алба хаагчдын орон сууцны зээлийн эх үүсвэрээр 2006 оноос хойш Нийслэлд 710 айл, хөдөө орон нутгийн 16 чиглэлд 466 айл, нийт 1176 айлын орон сууц барьж, алба хаагчдынхаа нийгмийн асуудлыг шийдвэрлэжээ