Нийслэлийн өмчийн харилцааны газраас зөвшөөрөлгүй ТҮЦ-үүдийг албан нүүлгэж, газар чөлөөлөх тухай мэдэгдэл гаргасан. Улмаар энэ сарын 13-ны өдрөөс ТҮЦ-үүдийг нүүлгэж эхлээд байна.

Нийслэлд нийт 1170 ТҮЦ үйл ажиллагаа явуулдаг.  Тэдний 757 нь зөвшөөрөлгүй худалдаа эрхэлж буй аж. Иймд Нийслэлийн өмчийн харилцааны газраас тус ТҮЦ-үүдийг албадан нүүлгэхээр болсон. Газрын тухай хуулийн 57.3-т заасны дагуу  энэ сарын 1-ний өдөр бүх ТҮЦ эрхлэгчдэд гурав хоногийн хугацаанд газраа чөлөөлж өгөх тухай мэдэгдэл хүргүүлсэн байна. Мэдэгдэл хүргүүлснээс хойш 10 гаруй хоног хүлээсний эцэст ТҮЦ-үүдийг албадан нүүлгэж эхлээд байгааг албаны хүн хэлж байна.

Гэсэн ч үйлчилгээ эрхэлдэг иргэд гомдолтой буйгаа илэрхийлж, зөвшилцөлд хүрэх хүсэлтэй буйгаа илэрхийлэн хэвлэлийн хурал хийсэн юм.  Улмаар ТҮЦ эрхлэгчдийн холбооноосНийслэлийн удирдлагуудад хамтран ажиллах, зөвшилцөлд хүрэх хүсэлтээ илэрхийлсэн

Уг хүсэлтэд зөвшөөрөлтэй ТҮЦ-үүдэд ашиг сонирхлын зөрчил бий эсэхийг тогтоох буюу зөвшөөрлийг ямар журмаар олгож байгааг шалгах, шинээр ТҮЦ эрхлэх зөвшөөрөл авч байгаа иргэдийн материалыг зөвхөн ТҮЦ эрхлэгчдийн холбоогоор дамжуулах, олон жил ТҮЦ эрхэлж байгаа иргэдэд зөвшөөрлийг нь олгох, олон ТҮЦ-тэй иргэдийн зарим зөвшөөрлийг цуцлах, автобусны буудал тус бүр дээр нийслэлийн өнгө төрхөнд тохирохуйц ТҮЦ хоёр ширхгийг байршуулах зэрэг шаардлагуудыг тавьжээ.

Г.Тэгшсүрэн