“Рио-2016” олимпийн наадмын жүдо бөхийн барилдааны эмэгтэйчүүдийн 48 кг жинд Казахстаны нэрийн өмнөөс барилдсан Г.Отгонцэцэг хүрэл медаль хүртсэн билээ. Мөн түүний багш Д.Энхбаатар Казакстан Улсын эмэгтэй шигшээ багийн ахлах дасгалжуулагч болсон. Тэд шинэ жилийн баярыг тохиолдуулан эх орондоо хүрэлцэн ирээд байна.

Казахстан улсын спортын гавьяат тамирчин Г.Отгонцэцэг “Өнөр бүл” асрамжийн газрын багачуудад шинэ жилийн баярын бэлэг гардуулжээ.

Дашрамд сонирхуулахад олон улсын жүдо бөхийн холбооноос энэ онд хамгийн их шагнал, урамшуулал хүртсэн жүдочийн нэрсийг зарлажээ. Энэ жагсаалтыг тамирчин Г.Отгонцэцэг тэргүүлсэн байна.

Г.Тэгшсүрэн