Баянзүрх дүүргийн 10-хороо, Амгалангийн дулааны цахилгаан станц руу нүүрс татдаг төмөр зам усанд автаж хөлдөх аюул нүүрлээд байжээ.
Яаралтай арга хэмжээ авахгүй бол тус станц нүүрсний нөөцгүй болж, тухайн нутаг дэвсгэрт оршин суух айлууд цахилгаангүй болох нөхцөл үүссэн байна. Уг нөхцөл байдлыг арилгахаар Нийслэлийн онцгой байдлын газрын алба хаагчид яаралтай арга хэмжээ авч ажиллажээ. Мөн УИХ-ын гишүүн С.Жавхлан хоёр ухагч техник хөлслөн гүнээс гарч буй хөрсний усыг соруулж, иргэдэд тусламж үзүүлжээ.
Мөн Геодези, Усны барилга байгууламжийн газар ОНӨААТҮГ-ын ажилчид бүрэн бүрэлдэхүүнээрээ ажиллаж, арга хэмжээг газар дээр нь авч ажилласан байна.
Г.Тэгшсүрэн