АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр мэдээлэл хийлээ. Тэрбээр:
-АН-ын даргын сонгуульд оролцох намын гишүүдийн бүртгэлийн үйл ажиллагаатай холбоотой АН-ын даргын тушаал гарсан. АН-д гишүүнээр элсэх иргэдийг бүртгэх үйл ажиллагааг орон даяар өнөөдрөөс эхлэн явуулж байна. АН-ын шинэчилсэн бүртгэлийн ажиллагаа 12 дугаар сарын 8-наас эхлээд явагдсан. Энэ үйл ажиллагаанд батлахаа гээгдүүлсэн болон шинээр элсэх хүсэлтэй хүмүүсийг бүртгээгүй байсан. Одоогоор орон нутагт цас зудтай байгаа учир шинэчилсэн бүртгэлийн явц удаашралтай байгаа хэмээлээ.
АН-ын даргын сонгуулийн сурталчилгаа албан ёсоор Хэнтий аймгаас эхэлсэн. Өнөөдөр Төв аймгийн АН-ын гишүүд дэмжигчидтэй уулзаж, мөрийн хөтөлбөрөө танилцуулах юм. АН-ын даргад нэр дэвшигчдийн хувьд Сонгуулийн хорооноос баталсан дотоод журмын дагуу уулзалт, сурталчилгаагаа хийж байгаа юм. Тухайлбал, нэг нэр дэвшигч сурталчилгаандаа хоёроос илүү машин авч явахгүй, 00.00 цагаас хойш хүнтэй уулзахгүй, албан ёсоор штаб байгуулахгүй, тус, тусдаа сурталчилгаа хийхгүй байх зэргийг журмаар зохицуулжээ.
АН-ын гишүүний шинэчилсэн бүртгэл ирэх оны нэгдүгээр сарын 6 хүртэл үргэлжлэх юм.
Н.Энх
Уншиж байна |