Албаны өндөржүүлсэн бэлэн байдлын зэрэгт шилжүүлж, үүрэг гүйцэтгэх бүрэлдэхүүнийг томилох тухай ОБЕГ-ын даргын тушаал гарчээ.

Үүнтэй холбогдуулан нийслэлийн Онцгой байдлын газрын дарга онцгой байдлын хурандаа Н.Уламбаяр шинэ жилийн баяр, амралтын өдрүүдэд пиротехникийн хэрэгсэл, гэр байшингийн галалгаа, обьектын гал түймрийн аюулаас урьдчилан сэргийлэх ажлыг эрчимжүүлж, автомашин техник, хүн хүчний бэлтгэл бэлэн байдлыг хангуулан, албан хаагчдын ажлын хариуцлага, сахилга, ёс зүйг дээшлүүлж Аврах анги, Гал түймэр унтраах аврах ангиудын өдөр тутмын үйл ажиллагаанд хяналт тавьж ажиллах талаар дүүргийн Онцгой байдлын хэлтэс, Аврах анги, нийслэлийн Иргэдийг гамшгаас хамгаалах сургалт арга зүйн төвийн дарга, захирагч нарт үүрэг өглөө.