УИХ дахь АН-ын бүлгээс Гадаад харилцааны сайд Ц.Мөнх-Оргилыг огцруулах асуудлыг хөндөх тухай мэдээлэл гарлаа. Тус бүлэг огцруулах саналыг ойрын хугацаанд УИХ-д оруулна гэх мэдээлэл байна.
Гадаад харилцааны сайд Ц.Мөнх-Оргил хэд хэдэн асуудлаас үүдэн багагүй хэл амд өртөөд буй. Тэрбээр хятадуудаас уучлал гуйж, энэ Засгийн газрын үед Далай лам Монголд айлчлахгүй гэх амлалтыг өгөөд буй. Мөн давхар иргэншилтэй холбоотой асуудлаар түүнийг огцруулах тухай яригдаж буй бололтой.
Сайд Ц.Мөнх-Оргил өнөөдөр мэдээлэл хийж, “ Монгол аав, ээжтэй хүүхэд гадаадад төрөөд, гадаад иргэн болсон тохиолдолд Монгол Улсынхаа иргэн болгохоор судалж байна. Хятад улс угаасаа давхар харьаяалал зөвшөөрдөггүй. Тиймээс хятадуудыг харьяалалдаа авах нь гэж улстөржүүлэх хэрэггүй” гэсэн тайлбарыг өгсөн юм.
В.Бат